Lawrence Gonzi xejn ma kien helu ma’ Jeffrey Pullicino Orlando waqt il-laqgha tal-Grupp Parlamentari Nazzjonalista ta’ din il-gimgha wara l-mozzjoni sorpriza tal-istess JPO dwar id-divorzju.
Minkejja li wara l-laqgha l-Prim Ministru Gonzi pprova jisforza ruhu biex jitbissem quddiem il-cameras, bl-ucuh ta’ Tonio Fenech, David Agius u Frank Psaila warajh, jikxfu dak li verament kien gara internament, li Gonzi kienu ghadu kif ha tbaqbiqa mill-kbar.
Wara li f’Marzu saru certi manuvri min-naha ta’ Gonzi biex jipprova jsib tarf tad-deputati Nazzjonalisti urtati li nghataw il-genb bl-ghazliet tieghu ghall-Kabinett, haseb li kien solva l-problema tal-instabbilità fil-maggoranza skomda li ghandu fil-Parlament. Fost dawn il-manuvri kien hemm l-‘apprendistat’ tal-Assistenti Parlamentari u anki cejca ohra li tqassmet minn flus il-poplu bhal hatra ta’ Pullicino Orlando bhala Chairman tal-Kunsill Malti tax-Xjenza u Teknologija.
Bhal sajjettà fil-bnazzi, tharbat il-kwiet u l-istabbilità relattiva li nvesta fihom Gonzi hekk kif Pullicino Orlando minghajr ma kkonsulta mat-tmexxija tal-partit tieghu, ha l-inizjattiva personali li jressaq abbozz ta’ ligi biex jigi ntrodott id-divorzju f’Malta.
Xi haga li tmur kontra kull regola ta’ dixxiplina interna fi hdan il-PN li deputat fuq bazi personali jiehu inizjattivi bhal dawn meta t-tmexxija tal-PN kienet qed tahdem fuq l-istrategija li l-politika tal-partit dwar dan is-suggett tiehu t-triq twila li jigu rikonoxxuti id-drittijiet ta’ koppji li jikkoabitaw, minghajr ma tittiehed pozizzjoni f’dan l-istadju dwar il-kwistjoni tad-divorzju.
Quddiem din is-sitwazzjoni delikata li zviluppat din il-gimgha meta Gonzi kellu jammetti pubblikament li kien sorpriz b’dak li ghamel Pullicino Orlando u li ma kienx jaqbel ma’ dak li JPO kien qed jghid u lanqas mal-mod kifdan qalu, fl-istess hin Gonzi ried juri li ma regax tilef il-kontroll tal-Grupp Parlamentari tieghu. F’dawn ic-cirkustanzi li ma kienx qed jistenna, Lawrence Gonzi pprova jimminimizza d-dannu u kien ghalhekk li hareg jghid li Pullicino Orlando ghamel li ghamel biex “jistimula d-diskussjoni”.
Fis-sighat ta’ qabel huwa ta daqqa taht ic-cinturin lil Pullicino Orlando meta qal li “kulhadd jaf il-pozizzjoni tieghu”, rimarka li tista’ tinftiehem b’aktar minn mod wiehed.
Kif fetah il-Grupp Parlamentari ta’ nhar l-Erbgha, Gonzi ghafas fuq Pullicino Orlando u qallu li ghalih li dak li kien ghadu kif ghamel bil-mozzjoni “huwa tradiment”.
Huwa mifhum li Lawrence Gonzi qal dan il-kliem anki lil nies ohra fis-sighat ta’ qabel u ha l-mossa ta’ Pullicino bhala tentattiv biex jigi destabbilizzat.
Filwaqt li Lawrence Gonzi se jara kif se jizloq mill-kwistjoni, nies qrib il-Prim Ministru qed jghidu li l-kwistjoni tad-divorzju hija sekondarja. Ghalihom il-punt primarju huwa li “rega’ hemm min qed jitkessah.”
Dawn in-nies huma mahruqin ghal Pullicino Orlando minhabba li Gonzi tah paga ohra, bhala chairman tal-Kunsill Malti ghax-Xjenza u Teknologija, u dan minflok siket rega’ beda jgholli rasu u johloq l-inkwiet ghal Gonzi.
(ara wkoll dwar dan is-suggett ir-rubrika Rajt ma Rajtx f’pagna 6)
Subscribe to this comment's feed
| < Prev | Next > |
|---|
